بصى يا ست الكل? و ركزى معايا..
لو إبنك اتخبط فى الحيطة أو وقع من ع السلم أو من ع الطرابيزة أو حتى من ع السرير أو وهو ماشى اتكعبل وراسه اتخبطت ….تتصرفى ازاى؟؟
أولا خبطة الرأس خاصة فى الأطفال يا إما تسبب حاجات خطيرة جدا زى نزيف فى المخ و إرتجاج فى المخ و غيرها يا إما بتكون ليس لها أى تأثير و ولا كأن حاجة حصلت دا بيرجع لإيه ؟؟ نيتك طبعا ودعوات الوالدين ليس أكثر ? طيب ندخل فى الجد ? امتى تقلقى و تجرى على أقرب طبيب أو مستشفى ؟؟
لو لقيتى أى حاجة من العلامات دى :
١/فقدان للوعى أو دوخة مستمرة
٢/قئ شديد تلات مرات أو أكثر و القئ بيكون projectile يعنى الطفل بيحدف لبعيد بيكون زى نافورة طالعة من بقه
٣/صداع مستمر
٤/نزيف من الأنف
لو لقتى واحدة أو أكتر من العلامات دى لازم تتوجهى لأقرب طبيب أو مستشفى و اللى غالبا هيطلبلك أشعة مقطعية على المخ لإستبعاد نزيف أو ارتجاج المخ ?
خلوا بالكم من أولادكم
