طريقة بلح الشااااااام مكتوبة ? لاصحاب الباقه فياريت بقى نعمل اب للبوست كتير عشان يستفاد الكل
ثانيا الطريقه مكتوبه بالتفصيل ❤️
الشربات الأول ٢ كوب سكر عليهم ٢ كوب ميه نقلبهم نرفعه على النار يغلى نضيف عصرة نص لمونة ونخلي النار متوسطة تلت ساعه يغلى يعمل فقاقيع ويتقل شوية نطفي عليه نسيبه يبرد خالص ساعه او اكتر
في طاسة نحط كوب ونص ميه و٤ معالق كبار زيت وفانليلا كيس و معلقة من الشربات اللي عملناه ونرفع الطاسة على النار ولما يغلى هنزل عالطول بالمكونات الجافه اللي اكون محضراها كوب دقيق و٣ معالق دقيق كمان عليهم ٣ معالق نشا ورشة ملح احط المكونات الجافه دي في الطاسة اول ما الميه تغلى واقلب واهدي النار كام ثانيه وبعدها عقفل النار وأفضل اقلب بالمعلقه لحد ما تتكون عجينه مش لازقه في الطاسه اطلعها في طبق واحاول اعحن بأيدي هتكون العجينه سخنه بس احاول ملمس العجين النهائي بيكون طري جدا وناعم جدا جدا هفردها على الرخامه واسيبها تبرررد خالص خالص بعدها أشكالها بالقمع كلها مره واحدة لازم ويكون الزيت غزير وسخن خالص ممكن نختبر حتة عجينه عشان نتأكد ان الزيت سخن وانزل بالكمية على مرتين واقلبهم احد ما تاخد لون حلو واصفيها من الزيت احطها في الشربات البارد لمدة ٥ دقايق بالهنا والشفا
Meret asaad ميريت
