كحك على البارد ناعم وبيدوب فى الفم وطعمه يجنن
المقادير
نص كيلو دقيق ( 4كوبايات)
300جرام سمنة بدرجة حرارة الغرفة ( كوب ونص )
من تلت ل نص كوب لبن + ماء
30جرام سكر بودرة ( ربع كوب ناقص معلقة )
5 جرام خميرة فورية ( معلقة صغيرة مليانة)
4 جم بيكنج باودر ( نص معلقة صغيرة)
معلقتين ل 3 كبار سمسم محمص
نص معلقة صغيرة فانيليا
معلقتين كبار نشا
رشة ملح
ريحة الكحك اختيارى لو تحبوا حطوا معلقة
الطريقة ، نضع كل المواد الجافة مع بعض وعليهم السمنة ونبسهم كويس مع بعض لغاية ما الدقيق كله يتغلف بالسمنه ويبقى زى الرمل المبلول ،نلم العجينه بس منعجنش ، وبعدين نبدأ بوضع السوائل شوية شوية بس منزودش عن نص كوباية لبن على مايه ، نشكل الكحك على طول ونخبزه
حشوة العجمية
معلقة كبيرة زبدة
معلقة كبيرة دقيق
معلقة كبيرة سمسم
تلت كوب عسل نحل
الطريقة ، فى طاسة على النار يوضع الزبده وعليها الدقيق ، ونقلبهم كويس لمده دقيقه ، ثم نضع العسل وأخيرا السمسم ، نستمر فى تحريك الخليط على النار لغاية ما القوام يتقل شوية ، نرفعه من على النار ويترك ليبرد شوية ثم يشكل كور صغيرة ويوضع فى طبق مدهون زيت خفيف ، حجم كرة العجميه يكون أصغر من حجم الكحك ، ولازم عجينة الكحك تغطى تماما العجمية
الفرن على 180 بتاخد من 15 ل 20 دقيقة أو لغاية ما تاخد لون ذهبى
بعد ما يبرد تماما يتم رش سكر بودرة عليه
لينك الوصفة على اليوتيوب
