ألذ بسكوت بالسودانى طعمه وشكله رهيب و بيدوب دوبان فى الفم
المقادير
من كوبين وتلت ل كوبين ونص ( من ٣٠٠ ل ٣١٥ جرام ) دقيق بسكوت أو متعدد الاستخدامات
كوب إلا ربع ناقص معلقه كبيره (١٥٠ جرام ) زبده طريه
تلت كوب +معلقه كبيرة (٨٠جرام) سكر ، لو حابين البسكوت مسكر شوية زودوا السكر ل نص كوب يعنى ١٠٠ جرام
بيضه بدرجه حرارة الغرفة
معلقه صغيره فانيليا
معلقه صغيره بيكنج باودر
رشه ملح
سودانى أو اى نوع مكسرات تحبوه حوالى كوب
الطريقة ، نضرب الزبده مع السكر لغاية ما تبقى كريمى ثم نضيف البيضه بعد ما نشيل جزء من البياض والفانيليا ونكمل ضرب لغايه ما يمتزجوا كويس
نضيف المواد الجافة على مرتين ونلم العجينه من غير عجن علشان متعملش عرق
نريح العجينه فى التلاجة نص ساعه وبعدين نفردها على ورق زبده او كيس بلاستيك ونقطعها بالاشكال اللى نحبها
ندهن الاشكال ببياض البيضه ونحط عليها السودانى أو اى مكسرات
يدخل فرن ساخن مسبقا على ١٨٠ ( ١٦٥ لو بمروحه) بياخد من ١٣ل ١٥ دقيقه او لغايه ما يبقى لونه دهبى من تحت والجوانب
للتزيين
اختيارى مربى الحليب أو نوتيلا أو مربى
لينك الوصفه على اليوتيوب
