عايزه تعملي كب كيك ومعندكيش صينيه بتاعته ??
او عايزه تعملي كب كيك من غير لبن او بيض ??
كب كيك الشيكولاته ??
طعمه تحفه ومفيش اسهل من كده ????
مكوناته موجوده في كل بيت اقتصادي جدا ??
وكله في الخلاط ??
#الطريقه
*في الخلاط هنحط كوبايه ميه دافيه ونحط عليها معلقه نسكافيه كبيره وندوبهم ونص كوبايه سكر و رشه فانيليا ومعلقه كبيره خل ابيض وهنضربهم كويس جدا لغايه لما السكر يدوب وبعد كده هنحط ربع كوبايه زيت ونضربهم تاني
وبعد كده هنحط كوبايه وربع من الدقيق المنخول وربع كوبايه كاكاو خام منخول ومعلقه كبيره بيكنج مبودر ورشه ملح ونص معلقه صغيره كربوناتو(بيكنج صودا) و هنضربهم
كويس جدا
* وبعد كده هنحط الخليط في كوبايه كبيره علشان تبقا سهله واحنا بنصب منها
* وبعد كده هنكون مجهزين قوالب الكب كيك وندهنها دهنه بسيطه زيت ونحطها في صينيه ألومنيوم
* وبعد كده هنصب فيها العجين لغايه نصفها فقط
* هنحط قوالب الكب كيك في صينيه الومنيوم
* وبعد كده هندخلها الفرن علي درجه حراره ١٨٠ لمده من
١٠ الي ١٥ دقيقه علي حسب حجم الكب كيك
* وبعد كده خرجيها وسيحي شيكولاته وحطي علي الوش وبعد كده زينتها سبرنكل وكريز وسكر بودره وشيكولاته بيضاء
#ملحوظه
* مش ديه كل الكميه الوصفه دي بتعمل حوالي ١٠ كب كيك
او اكتر علي حسب حجم الكب كيك بتاعتك
* انا معملتش في صينيه الكب كيك علشان اللي مش عندهم
* ممكن تعملي في ورق الكب كيك وصينيه الكب كيك براحتك طالما متوفره عندك
* الكربوناتو هيه البيكنج صودا
* ممكن تزيني باللي يعجبك( شيكولاته مبشوره – شيكولاته كرسبي – موز – فراوله – كريز – فرامسيه – سبرنكل – جوز هند – شوكليت شيبس )
يالا جربوها وقولولي رائيكم وعايزه اشوف تطبيقاتكم ??
تم وانتي معديه ليصلك كل جديد ??
بالف هنا وشفاء مقدما ليكم ??
دمتم حلوين مع كوكي ??
