أنواع الخلطات والتتبيلات أكياس خلطة المحشى

خلاص مابقاش ليكى حجة أمام زوجك فى صعوبة عمل المحشى
الوصفة دى إهداء لكل زوجة مطحونة فى الشغل و معندهاش وقت تعمل محشى .. الموضوع بقى سهل خلاص
الفكرة هنا إنك تعملى خلطة البصل و الخضرة و تقسميها فى أكياس فى الفريزر و يوم ما تحبى تعملى محشى خرجى الكيس و فقط ضعى عليه الأرز و اشترى الكوسة أو البازنجان متقور جاهز و فى أقل من عشر دقائق حايكون المحشى جاهز
مقادير الخلطة
( تكفى لعمل 3 كوب أرز لحوالى 3 كيلو محشى)
2 بصلة كبيرة مقطعة
4 فلفل أخضر وسط مقطع
10 طماطم وسط معصورة ( فى الخلاط)
2 ملعقة كبيرة صلصة
3 ملعقة صغيرة ملح
نصف ملعقة صغيرة فلفل اسود
ملعقة و نصف كبيرة كمون
ملعقة كبيرة سمن
2 ملعقة كبيرة زيت
ملعقة كبيرة ثوم
ملعقة كبيرة نعناع ناشف
2 حزمة بقدونس
2 حزمة كزبرة
حزمة شبت
الطريقة
فى الكبة نضع البصل + الفلفل الأخضر و البهارات و الثوم
ثم نضيف الطماطم المضروبة فى الخلاط و باقى المكونات
نقطع الخضرة و نقلب كل المقادير
نقسم الخليط فى 3 أكياس بلاستيك بحيث الكيس يكفى كيلو محشى و يضاف له كوب أرز
و بالهناء و الشفاء
ملحوظة
إن كنت ممن لا يحب وضع الخضرة فى الفريزر فيمكنك عمل ما سبق و شراء الخضرة و تقطيعها طازجة يوم عمل المحشى

اترك تعليق

This website uses cookies to improve your experience. We'll assume you're ok with this, but you can opt-out if you wish. AcceptRead More