تورته اطفال بالدقيق العادي
تحويل الدقيق العادي الي اسبونج زي الجاهز بالضبط
المقادير
6 بيضات بدرجه حراره المطبخ 2ونصف كوب دقيق كوب ونصف سكر نصف كوب نشا باكو بيكنج باودر فانيليا بنى سائله رشه ملح 2 ملعقه كبيرة خل ملعقه كبيرة محسن جل اللى هو محسن كيك كوب وربع ماء
الطريقة
هنجيب بوله واحط كل المكونات على بعض البيض والدقيق والسكر والنشا والبيكنج باودر والفانيليا ورشه الملح والخل و محسن الجل وكوب وربع ماء كل ده هنحطه على بعضه و هنضربه بالمضرب الكهرباء خمس دقائق اول سبع دقائق لحد ما يتضاعف حجمه ولونه يبقى فاتح لون ابيض وبعد كده هاجيب صينيه مقاس 20 وصينيه ثانيه مقاس 26 هاخد كمية من الخليط اكتر من الربع شوية واحطه في الصينيه الصغيره مقاس 20 وباقي الخليط هحطه في الصينيه الكبيره مقاس 26 وندخلها الفرن على درجه حراره 180 هتاخذ وقت ساعه الا ربع بالضبط او حسب نوع الفرن اللي موجود عندك
الكريم شانتيه كل كوب كريم شانتيه خام عليه كوب ونصف ماء مثلج ونصف كوب سكر بودر والسكر حسب الرغبه اضربهم حوالي خمس دقائق لحد مايتجانس وقوامه يبقى ثقيل
التزيين
بطلع الكيك من الفرن واسيبه لما يهدي خالص و يبرد تماما بعد كده بقسم الكيك لطبقات وببتدي اول طبقه اسقي الكيك بالسيرب واحط طبقه كريمه ممكن تحط حشوه على كريمه مانجا او فراوله او كريسبي وبعد كده تحطي الطبقه الثانيه وهكذا لحد ما نخلص كل الطبقات اخر حاجه انا نجلس التورته من بره ونغطيها بالكريمة ونساويها كويس وبعد كده ندخلها الثلاجه طبعا هنكون مجهزين التورتايه الصغيره مقاس 20 و محشيه بالكريمه و جاهزه بعد كده اطلع التورتات الاتنين من الثلاجه و هاحط عليها الثانيه الصغيره في الدويل الدويل ده عباره عن حاجه كده طويله وناشفه تمسك التورته واكمل باقي التزيين عادي جدا كمان الصور توم وجيري والاشكال الثانيه دي صوره قابله للاكل طبع كمبيوتر من عند مستلزمات الحلواني بحط عليها شوكولاته خام علشان تبقي ناشفه وبحط فيها خله اسنان علشان لما احطها في التورتايه تبقى واقفه فى التورتايه طبعا التزيين والشكل اللي حضرتك بتحبيها اعملية
