والطريقه مكتوبة
٣ اكواب دقيق وكوب ونص سكر بودرة ونص كوب كاكاو وباكو كيك شيف او بيكنج باودر ورشة ملح ونقلب كل المكونات الجافة كويس وننخلها
المكونات السائله نص كوب زيت وكوب حليب جوز الهند
وكوب ميه دافيه على نص باكو نسكافيه بلاك ومعلقة صغيرة جدا من الفانيليا السايلة او ٢ باكو فانيليا و٢ معلقه ص خل ونقلب المكونات السائله كويس مع بعض
نحط بقى السائل على المكونات الجافة ونضرب بالمضرب وممكن تحتاجي تزودي ربع كوب من الحليب تاني على حسب بقى قوام الخليط وبس كده الخليط جاهز تحطيه في صينيه مدهونه كويس زيت ومرشوشة دقيق والفرن ساخن مسبقا على حراره متوسطه بتقعد تقريبا نص ساعه بتراقبيها من غير ما تفتحي عليها ولو عاوزة تطلعيها بأفضل نتيجه ادهني زيت في الصينيه وغلفي الارضيه والجوانب بورق الزبدة انا بعمل كدة
صوص الشيكولاته
كوب حليب جوز هند وكوب سكر بودرة وكوب كاكاو وكوب زيت ونضربهم في الخلاط كويس هيكون عندك احلى صوص بتسيبي الكيك يبرد بعد ما يطلع عشان بيكون هش وبعدها تحطي الصوص وبالهنا والشفا
Meret asaad شيف صغير
